គណៈគ្រប់គ្រង

ប្រធាននាយកប្រតិបត្តិ

លោក ឃូ ប៊ុនទ្រី មានបទពិសោធន៍ជាង ២៤ឆ្នាំ នៅក្នុងវិស័យហិរញ្ញវត្ថុ ដែលក្នុងនោះលោកមានបទពិសោធន៍ជ្រាលជ្រៅផ្នែកហិរញ្ញវត្ថុ​ និងឆ្លងកាត់តួនាទីជាគណៈគ្រប់គ្រងជាន់ខ្ពស់ក្នុងវិស័យធនាគារ មីក្រូហិរញ្ញវត្ថុ និងអង្គការក្រៅរដ្ឋាភិបាលផ្សេងៗ។ បច្ចុប្បន្ននេះ លោកត្រូវបានជ្រើសតាំង ជាសមាជិកនៃក្រុមប្រឹក្សាភិបាលរបស់សមាគមន៍មីក្រូហិរញ្ញវត្ថុកម្ពុជា (CMA)។

មុនចូលបម្រើការងារជាមួយ ហ្វូណន មីក្រូហិរញ្ញវត្ថុ ភីអិលស៊ី លោកបាន ឆ្លងកាត់តួនាទីជាច្រើន រួមមាន ជាប្រធាននាយកប្រតិបត្តិ ហិរញ្ញវត្ថុ នៃធនាគារប្រៃសណីយ៍កម្ពុជា ក.អ រយៈពេល ៤ឆ្នាំ ជានាយកហិរញ្ញវត្ថុ នៃធនាគារ ហត្ថា ម.ក​ រយៈពេល៥ឆ្នាំលោកធ្លាប់បម្រើការងារនៅអង្គការ Room to Read Cambodiaជានាយកហិរញ្ញវត្ថុ រយៈពេល ២ឆ្នាំ ធ្លាប់ជានាយកហិរញ្ញវត្ថុនៅ Marie Stopes Cambodia រយៈពេល ៤ឆ្នាំ និង ធ្លាប់ជាគណនេយ្យករនៅធនាគារកាណាឌីយ៉ា២ឆ្នាំ ហើយនៅ Medecine Sans Frontier រយៈពេល១ឆ្នាំ។

លោកបានបញ្ចប់ការសិក្សាថ្នាក់ អនុបណ្ឌិតហិរញ្ញវត្ថុ នៅសាកលវិទ្យាល័យ Charles Sturt នៅប្រទេសអូស្ត្រាលី និងថ្នាក់បរិញ្ញាប័ត្រគណនេយ្យ នៅសកលវិទ្យាល័យជាតិគ្រប់គ្រង(អតីតមហាវិទ្យាល័យ ពាណិជ្ជកម្ម)។

ប្រធាននាយកប្រតិបត្តិអាជីវកម្ម

លោក​ ហាន ប៊ុនហុន បាននឹងកំពុងបម្រើការងារក្នុងវិស័យធនាគារ និងហិរញ្ញវត្ថុចាប់តាំងពីឆ្នាំ២០០៥មក ពោលគឺលោកទទួលបាន បទពិសោធន៍ជាង ១៩ឆ្នាំ ក្នុងវិស័យនេះ។ លោកបានចូលរួមជាមួយគ្រឹះស្ថានមីក្រូហិរញ្ញវត្ថុ ហ្វូណន ក្នុងតួនាទីជា ប្រធានយកប្រតិបត្តិអាជីវកម្មចាប់តាំងពីខែមិថុនា ឆ្នាំ២០១៧មក។ មុនចាប់ផ្តើមបម្រើការងារជាមួយហ្វូណន ពោលចាប់ពីឆ្នាំ២០១៣មក លោកមានបទពិសោធន៍ជាង៤ឆ្នាំជាមួយ ធនាគារប្រៃសណីយ៍កម្ពុជា ក.អ ក្នុងតួនាទីជាច្រើនរួមមាន ជានាយកសាខានៃការិយាល័យកណ្ដាល ហើយបន្ទាប់មកត្រូវបាន តម្លើងតួនាទី ជានាយកគ្រប់គ្រងការលក់នៃធនាគារ ដែលទទួលខុសត្រូវទាំងផ្នែកប្រាក់កម្ចី និងការប្រមូលប្រាក់បញ្ញើរសន្សំ។

លោកចាប់ផ្តើមបម្រើការងារក្នុងវិស័យហិរញ្ញវត្ថុ ជាមួយគ្រឹះស្ថានមីក្រូហិរញ្ញវត្ថុ វីសិន ហ្វាន់កម្ពុជា(បច្ចុប្បន្ន Woori Bank) ដែលដំបូងឡើយជាមន្ត្រីឥណទានបន្ទាប់មក ត្រូវបានតម្លើងតួនាទីជាបន្តបន្ទាប់ជា នាយកសាខាស្រុក នាយកសាខាខេត្ត (តួនាទីនេះ បច្ចុប្បន្ន ត្រូវបានស្គាល់ជានាយកតំបន់) ក្នុងឆ្នាំ២០០៨ និងជានាយកសាខាខេត្តជាន់ខ្ពស់ (នាយកតំបន់ជាន់ខ្ពស់) ក្នុងឆ្នាំ២០១០ដែលក្នុងតួនាទីនេះលោកគ្រប់គ្រងសាខាស្រុកជាច្រើន។

លោកបានបញ្ចប់ថ្នាក់អនុបណ្ឌិតផ្នែកគ្រប់គ្រងពាណិជ្ជកម្ម និងទទួលបានបរិញ្ញាប័ត្រ ផ្នែកគណនេយ្យ និងហិរញ្ញវត្ថុ។ លោកបានចូលរួមវគ្គបណ្តុះបណ្តាលលើភាពជាអ្នកដឹកនាំ និងការគ្រប់គ្រងនានាខាងក្នុងប្រទេស និងខាងក្រៅប្រទេស។​​​ ​​​​​​​​​​​​ក្នុងឆ្នាំ២០២១ លោកទទួលបានការបញ្ជាក់ជាអ្នកជំនាញមីក្រូហិរញ្ញវត្ថុ (Certified Expert​​ in Microfinance-CEMF)ពីសាលា (Frankfurt School of Finance & Management)។

នាយកប្រតិបត្តិហិរញ្ញវត្ថុ

លោក ម៉ឹង សារ៉ុង ចូលបម្រើការងារជាមួយ ហ្វូណន មីក្រូហិរញ្ញវត្ថុ ភីអិលស៊ី ក្នុងមុខតំណែងជា នាយកប្រតិបត្តិហិរញ្ញវត្ថុនៅខែកក្កដា ឆ្នាំ២០១៨។ មុនចូលបម្រើការងាជាមួយ ហ្វូណន មីក្រូហិរញ្ញវត្ថុ ភីអិលស៊ី លោកបានបម្រើការងារនៅគ្រឹះស្ថាន មីក្រូហិរញ្ញវត្ថុ លីហួរ ក្នុងតួនាទីជា នាយករងនាយកដ្ឋានហិរញ្ញវត្ថុ។ លោកមានបទពិសោធន៍ការងារជាង១៣ឆ្នាំ ក្នុងផ្នែកគណនេយ្យ និងហិរញ្ញវត្ថុ (ភាគច្រើននៅក្នុងវិស័យហិរញ្ញវត្ថុ) ដែលបានផ្ដល់ឱ្យគាត់នូវបទពិសោធន៍យ៉ាងទូលំទូលាយក្នុងការរៀបចំរបាយការណ៍ហិរញ្ញវត្ថុការធ្វើ និងគ្រប់គ្រងផែនការហិរញ្ញវត្ថុការរៀបចំគម្រោងថវិការ និងអាជីវកម្ម និងការគ្រប់គ្រងផ្នែករតនាភិបាល។

លោកបានបញ្ចប់ថ្នាក់បរិញ្ញាបត្រលើផ្នែកគណនេយ្យភាសាអង់គ្លេស និងក្លាយជាគណនេយ្យជំនាញ ACCA Affiliate។

នាយកប្រតិបត្តិធនធានមនុស្ស & រដ្ឋបាល

លោក វង ពណ្ណរាយ ធ្លាប់មាន បទពិសោធន៍ផ្នែកធនធានមនុស្ស និងរដ្ឋបាលរយ:ពេល១៥ឆ្នាំ ដោយចាប់ផ្តើមតំណែងពីមន្ត្រីផ្នែកធនធានមនុស្សរហូតដល់ក្លាយជានាយកប្រតិបត្តិធនធានមនុស្ស និងរដ្ឋបាល។ នៅក្នុងកំឡុងពេល១៥ឆ្នាំនេះ លោកបានធ្វើការ និងទទួលបានបទពិសោធន៍ពីក្រុមហ៊ុនផ្សេងៗគ្នាចំនួន០៥ ក្រុមហ៊ុនដូចជា៖ អង្គការអន្តរជាតិ Hagar ចំនួន០៣ឆ្នាំ ជាប្រធានផ្នែកជ្រើសរើសបុគ្គលិក ក្រុមហ៊ុន Huawei Cambodia ចំនួន០២ឆ្នាំ ជាអ្នកជំនាញផ្នែកជ្រើសរើសបុគ្គលិកទំនាក់ទំនងបុគ្គលិក និងបណ្ដុះបណ្តាលក្រុមហ៊ុន Tan Chong Motor ចំនួន០២ឆ្នាំ ជានាយករងផ្នែកធនធានមនុស្សក្រុមហ៊ុន British American Tobacco ចំនួន ០២ឆ្នាំ ជានាយកផ្នែកសេវាកម្មបុគ្គលិក និងប្រធានផ្នែកធនធានមនុស្ស នៅនាយកដ្ឋានប្រតិបត្តិការ និងក្រុមហ៊ុន Newa Insurance ចំនួនជិតពីរឆ្នាំ ជានាយកនាយកដ្ឋានធនធានមនុស្ស និងរដ្ឋបាល។

លោកក៏បានបញ្ចប់ថ្នាក់បរិញ្ញាបត្រ និង អនុបណ្ឌិតពាណិជ្ជកម្ម។

នាយកប្រតិបត្តិសវនកម្មផ្ទៃក្នុង

លោក មាង ឈុនអេង មានបទពិសោធន៍ជាមួយវិស័យហិរញ្ញវត្ថុរយៈពេល ជាង ១៧ឆ្នាំ ក្នុងតួនាទីជាច្រើនរួមមាន ជានាយកប្រតិបត្តិសវនកម្មផ្ទៃក្នុង រយៈពេល៩ឆ្នាំ ជាមួយ ហ្វូណន មីក្រូហិរញ្ញវត្ថុ ភីអិលស៊ី។ មុនពេលលោកបម្រើការងារជាមួយ ហ្វូណន លោកបានបម្រើការងារជា សវនករផ្ទៃក្នុងរយៈពេល៥ឆ្នាំ និងជាមន្ត្រីឥណទានរយៈពេល៣ឆ្នាំ ជាមួយគ្រឹះស្ថាន មីក្រូហិរញ្ញវត្ថុ ប្រាសាក់។

លោកបានបញ្ចប់ថ្នាក់អនុបណ្ឌិតផ្នែកហិរញ្ញវត្ថុ និងបរិញ្ញាបត្រផ្នែកគណនេយ្យ និងហិរញ្ញវត្ថុ។

នាយកប្រតិបត្តិត្រួតពិនិត្យ និងវាយតម្លៃឥណទាន

លោក គង់ វណ្ណៈ មានបទពិសោធន៍ជាង ១៦ឆ្នាំ ក្នុងវិស័យហិរញ្ញវត្ថុ នៅក្នុងតួនាទីជាច្រើនជាមួយហ្វូណន លោកចាប់ផ្តើមតួនាទីជានាយក ប្រតិបត្តិគ្រប់គ្រងហានិភ័យ ក្រោយមកឡើងជានាយកប្រតិបត្តិត្រួតពិនិត្យ និងវាយតម្លៃឥណទាន។ មុនពេលបម្រើការងារជាមួយ ហ្វូណន លោកធ្លាប់បានបម្រើការងារធនាគារប្រៃណីយ៍កម្ពុជា ក.អ ក្នុងតួនាទីជានាយកឥណទាន។

លោកធ្លាប់បម្រើការងារនៅក្រុមហ៊ុនភតិសន្យាហិរញ្ញវត្ថុ លីហួររយៈពេល២ឆ្នាំ ជានាយកនាយកដ្ឋានឥណទាន បន្ទាប់មកលោកបានចូលបម្រើការងារជានាយកសាខារង រយៈពេល២ឆ្នាំនៅគ្រឹះស្ថាន មីក្រូហិរញ្ញវត្ថុ ហត្ថាកសិករ។

លោកបានបញ្ចប់ថ្នាក់បរិញ្ញាប័ត្រគណនេយ្យ និងភាសាអង់គ្លេស។

នាយកប្រតិបត្តិគ្រប់គ្រងហានិភ័យ

លោក វៀច សុង ជាអ្នកជំនាញមីក្រូហិរញ្ញវត្ថុមួយរូបបានកំពុង​បម្រើការងារក្នុងគ្រឹះស្ថានមីក្រូហិរញ្ញវត្ថុរយៈពេល១៩ឆ្នាំ។ លោក វៀច សុង បានចាប់ផ្តើមការងារជាមួយ ហ្វូណន មីក្រូហិរញ្ញវត្ថុ ភីអិលស៊ី ក្នុងឆ្នាំ២០២២ ជានាយកប្រតិបត្តិគ្រប់គ្រងហានិភ័យ។

មុនពេលចូលបម្រើការងារជាមួយ ហ្វូណន លោកធ្លាប់បម្រើ ការងារនៅក្នុងគ្រឹះស្ថានមីក្រូហិរញ្ញវត្ថុ វីសិនហ្វាន់ (កម្ពុជា) អស់រយៈពេល ១៦ឆ្នាំ ចាប់ផ្តើមពីតួរនាទីជា មន្រ្តីឥណទាន ប្រធានសាខា ប្រធានគ្រប់គ្រងតំបន់ និងប្រធានប្រតិបត្តិការ។ លោក វៀច សុង បានបញ្ចប់ការសិក្សាថ្នាក់អនុបណ្ឌិត ផ្នែកគ្រប់គ្រងពាណិជ្ជកម្ម ជំនាញហិរញ្ញវត្ថុ និងធនាគារ ជាសមាជិកសវនកស្តង់ដារ ISO 45001 និងទទួលបានការបណ្តុះបណ្តាលជំនាញជាច្រើនក្នុងការគ្រប់គ្រងមីក្រូហិរញ្ញវត្ថុ និងការអភិវឌ្ឍន៍សហគ្រាសខ្នាតតូច និងមធ្យម។

នាយកប្រតិបត្តិបច្ចេកវិជ្ជាព័ត៌មាន

លោក លី ជាជីញ មានបទពិសោធន៍ ១៤ ឆ្នាំនៅក្នុងវិស័យហិរញ្ញវត្ថុ និង ICT (បច្ចេកវិទ្យាព័ត៌មាន និងទំនាក់ទំនង) ដោយកាន់មុខ​តំណែងជាច្រើនដូចជា ក្រុមហ៊ុន ISP រយៈពេល១ឆ្នាំ ជាមន្ត្រីបច្ចេកទេសគ្រប់គ្រងបណ្តាញ ក្រុមហ៊ុនអភិវឌ្ឍន៍កម្មវិធី រយៈ​ពេល១ឆ្នាំ ជាមន្ត្រីអភិវឌ្ឍន៍កម្មវិធី និងការគាំទ្រ សមាគមអភិវឌ្ឍន៍កម្ពុជា ជាមន្ត្រីគ្រប់គ្រងបណ្តាញ និងការគាំទ្រប្រព័ន្ធស្នូលធនាគា រយៈពេល១ឆ្នាំ មន្ត្រីជាន់ខ្ពស់ផ្នែកគ្រប់គ្រងបណ្តាញ និងការគាំទ្រប្រព័ន្ធស្នូលធនាគា រយៈពេល២ឆ្នាំ និងជាប្រធានផ្នែកអភិវឌ្ឍន៍កម្មវិធី និងការគាំទ្រប្រព័ន្ធស្នូលធនាគារយៈ​ពេល២ឆ្នាំ មីក្រូហិរញ្ញវត្ថុ ហ្វូណន ជាប្រធានផ្នែក Helpdesk និងគាំទ្រប្រព័ន្ធធនាគារស្នូល រយៈពេល ៣ឆ្នាំ និងជានាយកបច្ចេកព័ត៌មានវិទ្យាទទួលបន្ទុកផ្នែកសន្តិសុខព័ត៌មានវិទ្យា និងគាំទ្រប្រព័ន្ធធនាគារស្នូល រយៈពេល ៣ឆ្នាំ។

លោកបានបញ្ចប់ថ្នាក់បរិញ្ញាបត្រផ្នែកព័ត៌មានវិទ្យា និងបានចូលរួមវគ្គសិក្សាក្នុងផ្នែក IT Governance, IT Audit and Control, IT Risk Management និង Oracle Database ។