តើមានអ្វីថ្មី

ថ្ងៃពុធ ទី១២រោច ខែបុស្ស ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១៨ ខែមករា ឆ្នាំ២០២៣ ហ្វូណនមីក្រូហិរញ្ញវត្ថុ ភីអិលស៊ី បានចុះហត្ថលេខាលើភាពជាដៃគូរជាមួយក្រុមហ៊ុនហនុមាន អូតូ ត្រេឌីង ឯ.ក (Hanuman Auto Trading Co., Ltd.) លើកិច្ចសហការភាពជាដៃគូរក្នុងការផ្គត់ផ្គង់ត្រីចក្រយានយន្ត(ម៉ូតូកង់បី) សម្រាប់អតិថិជនដែលទទួលបានកម្ចីពីគ្រឹះស្ថានមីក្រូហិរញ្ញវត្ថុ ហ្វូណន។ ក្រុមហ៊ុនហនុមាន អូតូ ត្រេឌីង ឯ.ក (Hanuman Auto Trading Co., Ltd.) ជាក្រុមហ៊ុនផ្តាច់មុខក្នុងការផ្គត់ផ្គងផលិតផលត្រីចក្រយានយន្ត(ម៉ូតូកង់បី)ឈ្មោះបាចា (Bajaj) ក្នុងប្រទេសកម្ពុជា។ កិច្ចសហការលើភាពជាដៃគូរនេះ នឹងផ្តល់ឱ្យអតិថិជនហ្វូណនទទួលបានទំាងគុណភាពនិងតម្លៃនៃផលិតផល ដើម្បីប្រើប្រាស់ក្នុងគោលបំណងអាជីវកម្មរបស់ខ្លួន។ឆ្លៀតក្នុងឳកាសនេះដែរ ហ្វូណន សូមធ្វើការជម្រាបជូនដំណឹងដល់អតិថិជនទាំងអស់ថា អតិថិជនអាចស្នើសុំកម្ចីពីគ្រឹះស្ថានដើម្បីទិញត្រីចក្រយានយន្ត(ម៉ូតូកង់បី) (បង់រំលស់ម៉ូតូកង់បី) ក្នុងគោលបំណងអាជីកម្ម បានជាមួយនឹងអត្រាការប្រាក់សមរម្យ រយៈពេលវែង ព្រមទំាងទទួលបានលក្ខខណ្ឌធានារ៉ាប់រងលើត្រីចក្រយានយន្ត(ម៉ូតូកង់បី) ពីគ្រឹះស្ថានផងដែរ។សូមធ្វើការទំនាក់ទំនងដើម្បីទទួលបានព័ត៌មានលម្អិតពីផលិតផលនេះ។ សូមអរគុណ! ☎️ 093 508 888 / 067 666 […]

នាថ្ងៃសុក្រ១៥កើតខែបុស្ស ឆ្នាំខាល ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី០៦ ខែមករា ឆ្នាំ២០២៣ ហ្វូណនមីក្រូហិរញ្ញវត្ថុ ភីអិលស៊ី បានរៀបចំសន្និបាតបូកសរុបលទ្ធផលឆ្នាំ២០២២ និងកំណត់ផែនការណ៍សម្រាប់ឆ្នាំ២០២៣ នៅសណ្ឋាគារឯករាជ្យនៃក្រុងព្រះសីហនុ ខេត្តព្រះសីហនុ ក្រោមបរិយាយកាសសប្បាយរីករាយ និងស្និទ្ធស្នាលក្រៃលែង។ លោកប្រធាននាយកប្រតិបត្តិនៃគ្រឹះស្ថាន បានសាទរសម្រាប់លទ្ធផលរបស់គ្រឹះស្ថានក្នុងឆ្នាំ២០២២ ដែលទទួលបានស្របតាមការរំពឹងទុក ជាពិសេសលើផលិតភាពហិរញ្ញវត្ថុ និងផលិតភាពប្រាក់ចំណេញ ហើយបានឧទ្ទិសនៃលទ្ធផលទំាងនេះទៅដល់ក្រុមការងារទាំងមូលរបស់ហ្វូណន។ ក្នុងនោះផងដែរថ្នាក់ដឹកនាំនៃគ្រឹះស្ថានបានកំណត់គោលដៅ និងផែនការណ៍សកម្មភាពជាអាទិភាពសម្រាប់ឆ្នាំ២០២៣ និងការប្តេជ្ញាចិត្តក្នុងការសម្រេចឱ្យបាននូវលទ្ធផលនេះផងដែរ។ ការផ្តល់ការសរសើរ និងលើកទឹកចិត្តក៏ត្រូវបានធ្វើឡើងផងដែរ សម្រាប់សាខាដែលមានផលប័ត្រឥណទានច្រើនជាងគេ សាខាដែលមានអតិថិជនច្រើនជាងគេ សាខាដែលមានប្រាក់ចំណេញច្រើនជាងគេ សាខាដែលមានកំណើនឥណទានច្រើនជាងគេ សាខាដែលមានហានិភ័យឥណទានល្អបំផុតនិងល្អប្រសើរ សាខាដែលបានអនុវត្តផែនការបានច្រើនជាងគេ សាខា/នាយកដ្ឋានដែលទទួលបានការរង្វាយតម្លៃល្អពីសវនៈកម្មផ្ទៃក្នុង និងសាខាដែលអនុវត្តផលិតផលផ្សេងៗ (ឥណទានម៉ូតូ និងធានារ៉ាប់រង) បានល្អជាងគេ។ លើសពីនេះគ្រឹះស្ថាន និងធនាគារប្រៃសណីយ៍កម្ពុជា បានរៀបចំនូវពិធីពិសាភោជនាហារ និងសកម្មភាពការងារក្រុមរួមគ្នាក្នុងគោលបំណងបង្កើនចំណងមិត្តភាពគ្រប់ជាន់ថ្នាក់ កិច្ចសហការការងារក្រុម យោគយល់អធ្យាស្រ័យ និងការចេះឱ្យតម្លៃគ្នាទៅវិញទៅមក ស្របតាមគុណតម្លៃរួមរបស់គ្រឹះស្ថាននៃការបង្កើតនូវវប្បធម៌ល្អ និងសុខដុមរម្មណីកម្មក្នុងអង្គភាព។

ការិយាល័យកណ្តាល នៃគ្រឹះស្ថានមីក្រូហិរញ្ញវត្ថុហ្វូណន ថ្ងៃសៅរ៍ ៩រោច ខែមិគសិរ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១៧ ខែធ្នូ ឆ្នាំ២០២២ ហ្វូណនបានរៀបចំកម្មវិធីផ្តល់រង្វាន់ជូនដល់មន្ត្រីឥណទាន និងនាយកសាខាដែលបានជាប់ក្នុងជ័យលាភីលើការគ្រប់គ្រងកំណើនឥណទានសម្រាប់ឆ្នាំ២០២២។ ក្នុងនោះមន្ត្រីឥណទានចំនួន២៣នាក់ និងនាយកសាខាចំនួន៣នាក់មកពី១៩សាខាក្នុងចំណោមសាខាទាំង៥១ទូទាំងប្រទេសកម្ពុជា បានជាប់ជ័យលាភី ក្នុងកម្មវិធីនេះ។

បន្ទាប់ពីសិក្ខាសាលាគ្រូបង្គោលស្តីពីការអប់រំហិរញ្ញវត្ថុដល់អតិថិជននិងគ្រួសារអតិថិជនរបស់ហ្វូណនក្រោមប្រធានបទ “ចំណេះដឹងមូលដ្ឋានគ្រឹះនៃការគ្រប់គ្រងសាច់ប្រាក់គ្រួសារ” ក្រុមការងារទំាងនេះបានបញ្ចប់ការបណ្តុះបណ្តាលបន្តដល់បុគ្គលិកសាខានៃគ្រឹះស្ថាន និងបានចាប់ផ្តើម​ធ្វើការចែករំលែកនៃខ្លឹមសារនេះទៅដល់សហគមន៍។ គួរបញ្ជាក់ផងដែរថា ស្របតាមការរំពងទុក ជាង២០.០០០គ្រួសារនៃអតិថិជនរបស់យើងនឹងត្រូវ ទទួលបាននូវចំណេះដឹងនេះ។​ កូនសៀវភៅអប់រំហិរញ្ញវត្ថុ “ចំណេះដឹងមូលដ្ឋានគ្រឹះនៃការគ្រប់គ្រងសាច់ប្រាក់គ្រួសារ” មានមាតិការសំខាន់រួមមាន៖ ១.ការកំណត់ពីតម្រូវការ និងការចង់បាន ក្នុងគ្រួសារ ២.ការកំណត់គោលដៅហិរញ្ញវត្ថុគ្រួសារ ៣. ការគ្រប់គ្រងលំហូរសាច់ប្រាក់ចេញ/ចូល និងការគ្រប់គ្រងចំណូល/ចំណាយ ៤. ការយល់ដឹងអំពីកម្ចី និង៥. តារាងគំរូគ្រប់គ្រងចំណូលចំណាយគ្រួសារ។ខាងក្រោមជាសកម្មភាពបុគ្គលិកហ្វូណន ផ្តល់ការអប់រំហិរញ្ញវត្ថុ “ចំណេះដឹងមូលដ្ឋានគ្រឹះនៃការគ្រប់គ្រងសាច់ប្រាក់គ្រួសារ” ដល់សហគមន៍។

នៅថ្ងៃទី៥រោច ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១៥ ខែកញ្ញា ឆ្នាំ២០២២ គ្រឹះស្ថានមីក្រូហិរញ្ញវត្ថុភី អិល ស៊ី បានបើកសិក្ខាសាលាស្តីពីការអនុវត្តន៍លើការអប់រំហិរញ្ញវត្ថុដល់អតិថិជននិងគ្រួសារអតិថិជនរបស់ហ្វូណនក្រោមប្រធានបទ “ចំណេះដឹងមូលដ្ឋានគ្រឹះនៃការគ្រប់គ្រងសាច់ប្រាក់គ្រួសារ”។ គ្រឹះស្ថាន បានបញ្ចូលកិច្ចការងារនេះទៅក្នុងផែនការសកម្មភាពនៃទំនួលខុសត្រូវសង្គមរបស់ខ្លួនសម្រាប់ឆ្នាំ២០២២ស្របតាមទិសដៅរបស់ធនាគារជាតិនៃកម្ពុជា ក្នុងការលើកកម្ពស់ចំណេះដឹងហិរញ្ញវត្ថុក្នុងសហគមន៍ និងយុទ្ធសាស្ត្រជាតិស្តីពីបរិយាប័ន្នហិរញ្ញវត្ថុ។ ក្នុងកិច្ចការងារនេះ ហ្វូណនបានធ្វើការបោះពុម្ភកូនសៀវភៅអប់រំហិរញ្ញវត្ថុ “ចំណេះដឹងមូលដ្ឋានគ្រឹះនៃការគ្រប់គ្រងសាច់ប្រាក់គ្រួសារ” ដើម្បីចែកជូននិងធ្វើការណែនាំអំពីខ្លឹមសារនេះ ដល់អតិថិជននិងគ្រួសារអតិថិជន ដែលក្នុងនោះគ្រឹះស្ថានរំពឹងថា អ្នកដែលទទួលបានអត្ថប្រយោជន៍នេះមានចំនួន២៥.០០០គ្រួសារ។ កូនសៀវភៅអប់រំហិរញ្ញវត្ថុ “ចំណេះដឹងមូលដ្ឋានគ្រឹះនៃការគ្រប់គ្រងសាច់ប្រាក់គ្រួសារ” មានមាតិការសំខាន់រួមមាន៖ ១. ការកំណត់ពីតម្រូវការ និងការចង់បាន ក្នុងគ្រួសារ ២. ការកំណត់គោលដៅហិរញ្ញវត្ថុគ្រួសារ ៣. ការគ្រប់គ្រងលំហូរសាច់ប្រាក់ចេញ/ចូល និងការគ្រប់គ្រងចំណូល/ចំណាយ ៤. ការយល់ដឹងអំពីកម្ចី ៥. តារាងគំរូគ្រប់គ្រងចំណូលចំណាយគ្រួសារ។ សិក្ខាសាលាក្នុងថ្ងៃនេះ គឺជាការបណ្តុះបណ្តាលគ្រូបង្គោលដល់នាយកភូមិភាគរបស់គ្រឹះស្ថាន ដើម្បីធ្វើការបណ្តុះបណ្តាលបន្តដល់បុគ្គលិកសាខា ក្នុងការចែករំលែកបន្តទៅដល់សហគមន៍។  សូមថ្លែងអំណរគុណដល់គ្រប់ភាគីពាក់ព័ន្ធទាំងអស់ ចូលរួមជាមួយគ្រឹះស្ថានក្នុងការបន្តផ្សព្វផ្សាយ និងចែករំលែកចំណេះដឹងហិរញ្ញវត្ថុជាប្រយោជន៍ដល់សង្គមទំាងមូល។

ថ្ងៃព្រហស្បតិ៍ ៦កើត ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១ ខែកញ្ញា ឆ្នាំ២០២២ ហ្វូណនមីក្រូហិរញ្ញវត្ថុ និងក្រុមហ៊ុនទ្រូម៉ាន់នី បានចុះកិច្ចព្រមព្រៀងលើការពង្រីកភាពជាដៃគូបន្ថែមទៀត នៃការបើកប្រាក់កម្ចីតាមរយៈភ្នាក់ងារទ្រូម៉ាន់នី។ លោកឃូ ប៊ុនទ្រី ប្រធាននាយកប្រតិបត្តិនៃគ្រឹះស្ថាន ហ្វូណនមីក្រូហិរញ្ញវត្ថុ ភីអិលស៊ី បានលើកឡើងថា៖ ”កិច្ចសហការនៃក្រុមហ៊ុនទាំងពីរពិតជាផ្តល់នូវអត្ថប្រយោជន៍ឱ្យគ្នាទៅវិញទៅមក ហើយតាមរយៈភ្នាក់ងារទ្រូម៉ាន់នីជាច្រើនកន្លែង បានផ្តល់នូវគុណតម្លៃបន្ថែម និងភាពងាយស្រួលដល់អតិថិជនរបស់ហ្វូណន”។