វគ្គបណ្តុះបណ្តាលរបស់ហ្វូណន – ហ្វូណន គ្រឹះស្ថានមីក្រូហិរញ្ញវត្ថុ ភីអិលស៊ី

នៅថ្ងៃទី២៤​ និង២៥ ខែកញ្ញា​ ឆ្នាំ២០១៥​ កន្លងទៅនេះ ​ហ្វូណន បានរៀបចំវគ្គ​បណ្តុះ​បណ្តាល​មួយ​​ដើម្បី​បង្កើនសមត្ថភាព​ដល់បុគ្គលិក ​និង​ គណៈគ្រប់គ្រងដែលវគ្គបណ្តុះ​បណ្តាលនេះប្រព្រឹត្តទៅនៅ​ការិយាល័យ​កណ្តាលរបស់​ ហ្វូណន អាសយដ្ឋាន ផ្ទះលេខ ៣៨៤ ផ្លូវលេខ ៣៧១ (ផ្លូវសឡា)​សង្កាត់ទឹកថ្លា​ខណ្ឌសែនសុខរាជធានីភ្នំពេញនៃព្រះរាជាណាចក្រកម្ពុជាក្រោមការចូលរូមរបស់នាយកសាខា នាយករង​នាយកដ្ឋាន​និង​មន្ត្រីផ្នែកដោះស្រាយបំណុលអសកម្មជាច្រើនរូបទៀត។​ វគ្គបណ្តុះបណ្តាល​នេះធ្វើ​ឡើងក្នុងគោល​បំណងដើម្បីបំប៉ន​​ និង ពង្រឹងជំនាញ​ព្រមទាំង​​ចំណេះដឹងដល់ពួកគាត់ដើម្បីឲ្យពួកគាត់អាចអនុវត្តយ៉ាងមានប្រសិទ្ធភាព​ក្នុងស្ថានភាពជាក់ស្តែង​ជាពិសេសរបៀបទំនាក់ទំនង​ជាមួយ​អាជ្ញាធរក្នុងតំបន់។លើសពីនេះទៅទៀត វគ្គបណ្តុះបណ្តាលនេះបានបង្រៀននិងបង្ហាញដល់​សិក្ខាកាម​អំពីតួនាទី និង ទំនួលខុសត្រូវ​របស់​ពួក​គាត់​​​​ក្នុងការដោះ​ស្រាយ​នូវបញ្ហាបំណុលដែលកើតមាននៅតាមសាខានីមួយៗ។

បន្ទាប់ពីការហ្វឹកហ្វឺន លោក សេង វណ្ណារ៉ា អនុប្រធាននាយកប្រតិបត្តិ​របស់ហ្វូណនបានមានប្រសាសន៍​ថា ​ពួកយើង​នៅទីនេះ​នឹង​ត្រៀម​ខ្លួន​ជាស្រេច​ដើម្បី ហ្វូណន។ លោកបានបន្តទៀតថា ​ការបណ្តុះបណ្តាលថ្ងៃនេះគ្រាន់តែ​ជា​ចាប់ផ្តើមសម្រាប់បុគ្គលិក និង​គណៈគ្រប់គ្រងរបស់ ហ្វូណន ចាប់តាំងពី​យើង​ទទួលបានអាជ្ញាប័ណ្ណពេញលេញពីធនាគារជាតិនៃកម្ពុជាប៉ុណ្ណោះ ប៉ុន្តែយើងនឹង​រៀបចំ​វគ្គបណ្តុះបណ្តាលផ្សេងៗបន្ត​ទៅ​ទៀតដើម្បីបំពាក់បំប៉នបុគ្គលិក និង គណៈគ្រប់គ្រងរបស់​យើងដើម្បី​ធ្វើឲ្យពួក​គាត់​មានភាព​ខ្លាំង​ក្នុងប្រតិបត្តការ​ប្រចាំ​ថ្ងៃ​ជាពិសេសក្នុង​សកម្មភាពដោះស្រាយបំណុលអសកម្ម។

គូសបញ្ជាក់ផងដែរថា ៖ សិក្ខាកាមដែលចូលរួមសរុបទាំងអស់ចំនួន ៦០នាក់ ​នឹងត្រូវបែង ចែកជាពីរក្រុមដែលក្រុមទីមួយសម្រាប់ថ្ងៃទី២៤ និងមួយក្រុមទៀតសម្រាប់ថ្ងៃទី២៥ ខែកញ្ញា ឆ្នាំ២0១៥។

Add Comment

Your email address will not be published. Required fields are marked *

17 − two =