កម្មវិធី “មានព្រៃ មានជីវិត” ឧបត្ថម្ភដោយ ហ្វូណន មីក្រូហិរញ្ញវត្ថុ ភី​​​​​​អិល​​​ស៊ី – ហ្វូណន គ្រឹះស្ថានមីក្រូហិរញ្ញវត្ថុ ភីអិលស៊ី
“Forest is Life” socail event

សៀមរាប_នាថ្ងៃ១កើត ខែបុស្ស សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែមករា ឆ្នាំ២០១៩  គ្រឹះស្ថាន ហ្វូណន មីក្រូហិរញ្ញវត្ថុ ភីអិលស៊ី បានប្រារព្ធសន្និបាតបូកសរុបលទ្ធផលការងារ ប្រចាំឆ្នាំ២០១៨ និង លើទិសដៅការងារប្រចាំឆ្នាំ២០១៩។ គិតត្រឹមបំណាច់ឆ្នាំ២០១៨ ហ្វូណន មានផលប័ត្រឥណទានសរុបកើនឡើងរហូតដល់ ៤៧លានដុល្លារអាមេរិក និងទទួលបានអតិថិជនសរុបជិត ២០.០០០នាក់។​ ហើយផលប័ត្រឥណទានមិនដំណើការ​មាន១,១៩%។ លោកឃូ ប៊ុនទ្រី ប្រធាននាយកប្រតិបត្តិរបស់គ្រឹះស្ថាន ហ្វូណន មីក្រូហិរញ្ញវត្ថុ ភីអិលស៊ី បានសម្តែងនូវការកោតសរសើរខ្ពស់សម្រាប់ បុគ្គលិក និងគណៈគ្រប់គ្រង ក្នុងការខិតខំប្រឹងប្រែងអនុវត្តការងារក្នុងរយៈពេលមួយឆ្នាំពេញ​ប្រកបដោយលទ្ធផលផ្លែផ្ការ និងទទួលបានប្រាក់ចំណេញតាមការរំពឹងទុក។ ក្នុងឳកាសនោះផងដែរ លោកបានធ្វើការកំណត់ទិសដៅថ្មីសម្រាប់ឆ្នាំ២០១៩ របស់ ហ្វូណន។    

នាថ្ងៃទី១៩  ខែមករា​ ឆ្នាំ២០១៩ គណៈគ្រប់គ្រង រួមទំាងបុគ្គលិក​របស់ ហ្វូណន មីក្រូហិរញ្ញវត្ថុ ភីអីលស៊ី បានរៀបចំឲ្យមានកម្មវិធីសង្គមមួយដែលមានឈ្មោះថា៖ មានព្រៃ មានជីវិត ​ ដោយមានការចូលរួមពីសំណាក់ប្រជាជនទូទៅមិនថាតែបុគ្គលិកនោះទេ។ នេះត្រូវបានធ្វើឡើងតាមរយៈការចែករំលែក (Share) នូវការផ្សព្វផ្សាយកម្មវីធីនេះដែលបានប្រកាសតាមបណ្តាញសង្គម Facebook របស់ហ្វូណន ដោយហ្វូណន នឹងដាំដើមកោងកាង ទៅតាមចំនួនអ្នកចូលរួមចែករំលែកព័ត៌មានក្នុង Facebook។ ជាលទ្ធផលដើមកោងកាងជាច្រើនរយដើម ត្រូវបានដាំតាមការសន្យា។

លោក ឃ៊ូ​ ប៊ុនទ្រី ប្រធាននាយកប្រតិបត្តិ​ របស់ ហ្វូណន​ មីក្រូហិរញ្ញវត្ថុ ភីអីលស៊ី ​បានមានមតិសំណេះសំណាល ក្នុងទិវាដាំដើមកោងកាងនេះថា៖ “ព្រៃកោងកាងមិនត្រឹមតែជាអន្តរការី ជួយការពារនូវបម្រែបម្រួលអាកាសធាតុប៉ុណ្ណោះទេ តែវាបានបង្តើតនូវជីវចម្រុះ និងបង្កបង្កើតជីវិតជាច្រើនទៀតផង ”។   

លោក សីម ហ៊ីម ប្រធានសហគមន៍នេសាទត្រពាំងសង្កែ បានមានប្រសាសន៍ថា៖ មុនពេលដែលព្រៃកោងកាងត្រូវបានអភិរក្សក្នុងតំបន់នេះ ប្រជានេសាទអាចរកចំណូលបានត្រឹម២,៥ដុល្លារអាមេរិកប៉ុណ្ណោះក្នុងមួយថ្ងៃ ប៉ុន្តែបច្ចុប្បន្នប្រជាជនអាចរកចំណូលពីការនេសាទបាន ១០ដុល្លារអាមេរិកក្នុងមួយថ្ងៃ ”។

សូមថ្លែងអំណរគុណដល់អ្នកទំាងអស់គ្នាដែលបាន​ចូលរួម គាំទ្រចំពោះសកម្មភាពរបស់ហ្វូណនកន្លងមក។

Add Comment

Your email address will not be published. Required fields are marked *

fourteen + 6 =